English
Italiano
Polski
Slovakian
Español
Velkomin á heimasíðu GET UP! verkefnisins.
GetUp
GET UP! Verkefnið snýst um að skapa leik með kennslumarkmið (e. Gamefication) fyrir nemendur á unglingastigi grunnskóla og framhaldsskólanema um málefni þjóðgarða og náttúruverndar. Leikurinn mun verða þróaður sem tölvuleikur.
Um er að ræða Erasmus+ verkefni, í flokki KA226, um Samstarf og undirbúning fyrir aukið vægi stafrænnar menntunar. Þessi áhersla var sett til mæta þörfum sem sköpuðust á tímum COVID-19 í menntaumhverfinu, þar sem sýnilega skorti á stafræn úrræði fyrir skóla til að halda úti kennslu.
Verkefnisnúmerið er 2020-1-ES01-KA226-SCH-096057. Þú finnur frekari upplýsingar um verkefnið á opinberum vettvangi Erasmus+.
VerkefniðpL
Bakgrunnur
Þær breytingar sem fylgdu COVID-19 hafa flýtt mjög fyrir nútímavæðingu og stafrænni umbreytingu m.a. innan menntakerfisins um alla Evrópu. Efling stafrænna lausna leiðir af sér möguleikann að veita hágæða stafræna menntun þar sem allir hafa jöfn tækifæri, óháð staðsetningu.
Á sama tíma eru umhverfismál ein stærsta áskorun samtímans og er greinilegur áhugi og vilji meðal ríkja um alla Evrópu að taka þátt í þróun tækja og áætlana til að auka meðvitund almennings um vernd umhverfisins.
Það er almennt þekkt á meðal umhverfisfræðinga, kennara og annarra þátttakenda að enn er mjög erfitt að færa umhverfisfræðslu til ungmenna á unglingastigi. Ein ástæðan er að eldri nemendur nýta aðrar samskiptaleiðir, hafa önnur áhugamál og byggja þátttöku sína á notkun nýrra miðla en fyrri kynslóðir og þróunin er hröð.
Þjóðgarðar og friðlýst svæði eru svæði þar sem atvinnustarfsemi eins og landbúnaður, ferðaþjónusta, timburvinnsla og fiskveiðar fara fram, en aðstæður krefjast þess í flestum tilfellum að á náttúruverndarsvæðum sé stöðugs jafnvægis leitað milli athafna manna og verndunar líffræðilegs fjölbreytileika.
Verkefni hvers dags er að leita þess hvernig ná megi fram sjálfbærni.
Markmið
Áherslur verkefnisins eru í samræmi við forgangsröðun Erasmus+ um að byggja upp getu til- og að innleiða lausnir til kennslu á netinu-, hvort sem er í blandaðri kennslu eða alfarið í fjarkennslu; að bæta stafræna hæfni kennara, sem gerir þeim kleift að veita hágæða fjarkennslu óháð staðsetningu nemenda; og að þróa og/eða nota stafrænt efni.
Samstarfið í verkefninu mun stuðla að tengslamyndun stofnana víðs vegar um Evrópska efnahagssvæðið, þar sem samnýting fjármagns og sérfræðiþekkingar skapa árangur. Samvinnan nær þvert á sérsvið þar sem sérfræðingar í stafrænum lausnum, sérfræðingar í menntavísindum ásamt starfsfólki friðlýstra svæða koma saman til að þróa sérsniðnar lausnir aðlagaðar að staðbundnum áskorunum og veruleika.
GET UP! eykur þekkingu og vitund um umhverfismál hjá framhaldsskólanemum, en þau eru næst til áhrifa í samfélaginu og á vinnumarkaði, auk þess að vekja áhuga þeirra á tungumálum og háttum nýrra miðla.
Reyndar er GET UP! Líka ætlað að efla þekkingu nemenda á áskotunum tengdum náttúruvernd og jafnframt á staðbundnum og hnattrænum úrlausnarefnum. Verkefninu er einnig ætlað að kalla fram lausnarmiðaða hugsun nemenda hvort sem er varðandi upplýsingatækni eða stafræna menningu.
GET UP! Hefur þrjú meginmarkmið:
MARKMIÐ 1:
Nýstárleg og stafræn margmiðlunlausn nýtt sem fræðslutæki fyrir framhaldsskólanema um þjóðgarða og náttúruvernd.
MARKMIÐ 2:
Stuðla að verndun líffræðilegs fjölbreytileika og náttúruverndarsvæða með félagsleg og uppeldisleg gildi evrópsks menningararfs að leiðarljósi, ásamt sterkum tengslum við atvinnusköpun og hagvöxt.
MARKMIÐ 3:
Efla færni kennarastétta og þekkingu í stafrænum tólum og nýtingu leikja við fræðslu (e. Gamefication).
Samstarfsaðilar verkefnisins
